مشكله في ثقل المونتاج بالسوني فيقاس ؟؟؟؟؟؟؟

السلام عليكم ورحمة الله وبركاته

مشكله جننتني ومالقيت لها حل هي ثقل المونتاج يظهر بطيء جدا
الصراحه بحثت ومالقيت حل مع العلم غيرت من جودة العرض ومافي فايده

فهل يوجد حل ؟؟؟

المشكله واحد من الاشياء هذي حاولي تراجعينهأ

اول شي راجعي الرام كم حجمه اذا اقل من 3 قيقا بتواجهين المشكله
خاصه لا كان السوني فيقاس عندك اصدار 11

المعالج اذا كان قديم زي بنتيوم او كور اي

بعد بتواجهين مشكله التقطيع لان المعالج م يتحمل البيانات

كرت الشاشه اذا كان اقل من 1 قيقأ
بتواجهين مشكله التقطيع خاصه لا كان حجم العمل كبير
او بجودهـ الاتش دي

الحرارهـ اذا كان اللاب عندك يسخن كثير بتواجهين المشكله هذي
لان المعالج يفصل عند درجه حراره معينه ويرجع يشتغل اوتماتيك

والحل نظفي الجهاز من الغبار او اشتري له قاعده بمروحه

اصدار السوني فيقاس هل هو نواهـ 32 او 64
يمكن نظام جهازك 64 وانتي مركبه سوني فيقاس 32

كثرهـ التراكات وكثره استعمال الفلاتر تهنق بالبرنامج
طول مقطع الفديو اذا كان اكثر من 12 دقيقه
وجهازك الامكانيات فيه م تسمح بتواجهين مشكله التقطيع

قياسات المشروع دققي فيهأ
لان عشان تسوين مشروع كبير لازم رام كبير وكرت شاشه كبير

خاصه اذا كان المشروع

720 × 1280 p

من المقاس هذا واعلى احسبي حساب التقطيع سوا بالريندر او البريفيو المعاينه بالبرنامج

لان كرت الشاشه عندك احتمال م يدعم

هذي اشوفهأ انا من واقع ماضي كئيب مع الاجهزهـ وبرامج الاخراج هي المشاكل
راجعي الاشياء عذي كلهأ وحاولي تحطين لنأ مواصفات جهازك

شكرا اخوي موسى الجبوري واخوي سبيد على المعلومات
جهازي (بكارد بل) نظام التشغيل (وندوز7) وثقل العمل يظهر اثناء المشروع
البرنامج اللي استخدمه الاصدار11
ومثل ماقلت اخوي سبيد الجهاز يطلع منه حراره
بالنسبه للرام والله مو عارفه كم حجمه

حاولي تثبيت الاصدار التاسع وشوفي هل يوجد فرق

لا يخوي مو اصدار البرنامج المشكلة

المشكلة حرارهـ الجهاز انا كنت اعاني منهـأ وقت جانا غبار ونسيت الطاقه

الحين التراب والغبار وانتم بكرامه يتجمع بالمروحة وعلى المعالج

ومعروف انه يمسك الحرارهـ م يسمح للمشتت يشتغل بكامل طاقته ويشتت زين

ولا لما تجين تسوين ريندر للفديو المعالج لازم يشتغل معك بكل قوته

وهنا ترتفع حرارته ولا اترفعت الحرارهـ ووصلت اكثر شي 94 كالفن

اوتماتيك يبدأ يفصل ويرجع يشتغل ويجلس زي كذـأ

لان ذا صمام امان من الشركة عشان المعالج م ينحرق

الحل اختي اذا تقدرين تودين الجهاز لمحل ينفظه لك بالهواء زين

حل ثاني منزلي المكنسة الكهربائية فكي البلاستيك الي هي العصي وخلي بس الانبوب البلاستيك

وجهي فتحه سحب الهواء على جميع فتحات اللاب من تحت وركزي بفتحه التشتيت الرئيسية وتكون يـ يمين او يسار اللاب او بالخلف يعني من جوانب اللاب مو تحت

ذا بيخفف لك من مشكلة الحرارهـ الشي الكثير

حل ثالث فعال بعد تنظيف الغبار قاعدهـ بلاستيك تجي فيهأ مرواح تنشبك باليو اس بي

يعني يصير لللاب توب زي القاعدهـ تحته تبردهـ طول الوقت وتنتهي معك المشكلة

ملاحظة اختي لا توجهين المكنسه الكهربائيه الي الكيبورد لانه بيسحب لك الحروف والارقام خليهأ تجاه الفتحات

حل رابع بعد ينفعك بسالفه الحرارهـ لا تشتغلين على اللاب والبطاريه علية

يعني البطارية تكون مركبه والشاحن يشحن ذا يسبب حرارهـ بالجهاز

طيب معلومه بعد تفيدك ترا كرت الشاشه اكثر قطعه تسخن باللاب وخاصة وقت استعمال البرامج

بس مو مشكلة لا سويتي الاشياء الي فوق بتنحل عندك المشكلة باذن الله

وطريقة معرفه الرام

جهاز الكمبيوتر - كليك يمين خصائص - تفك لك نافذهـ

اول منطقة فوق اسم النظام ومعلومات عنه

المنطقه الي بعدهأ السطر الاول اسم المعالج وسرعته

الي بعدهـأ الي هي RAM

وتجيك دايم رقم واحد صحيح زي 1 - 2 - 3 الى م تجدين غير كذا

وتقاس بالقيقأ بايت

السطر الي بعدهـ الي هي نواهـ النظام سوـأ كان 32 - 64

اتمنى اني كذـأ افدتك الشي الي اقدر عليه واذا باقي المشكلة عندك عطينأ خبر بمشاركة هنأ وباذن الله بسيطة

لست وحدك من يعاني من هذة المشكلة سوني لم تبذل جهدها على اخر اصدارين جربي الاصدار التاسع وشوفي الفرق

نفس المشكله الي عندي وبحثت عنها من زمان ولا لقيت لها حل مع العلم ان الي عندي (سوني فيغاس10برو) والرام عندي ممتاز وكرت الشاشة تمام !؟ ولمن احفظ اي مشروع يعلق الفديو
واغلب الفديوهات الي اعملها ماتتجاوز 3 دقائق وجربت كم جوده وكم صيغة ونفس الشغلة يعلق !!!؟لدرجة اني بديت اكره المونتاج

الحل
http://www.sonyvegass.com/t1761-topic?highlight=%D8%AE%D9%8A%D8%A7%D8%B1%D8%A7%D8%AA+%D8%B4%D8%A7%D8%B4%D8%A9+%D8%A7%D9%84%D8%B9%D8%B1%D8%B6