درس شامل عن استخدام البرنامج

بسم الله الرحمن الرحيم

السلام عليكم ورحمه الله وبركاته،، نرحب فيكم من جديد اليوم تعمدت استعجل وابدأ لانه الدرس السابق كان لشي آخر مساعد

للبرنامج وحبيت ابدأ بالبرنامج علطول اليوم.. على اساس انه الدرس الثالث اخليه عالويكند او على بداية الاسبوع الجاي باذن الله ..

درسنا اليوم سهل ولكنه مهم يعني لازم تفهمونه واذا مافهمتوه بتكون الدروس الجايه فيها مشاكل ،، اليوم لما نخلص الدرس بتكونون

عارفين هالاشياء:

1- التعرف على البرنامج
2- اضافة فيديو
3- قص مقطع
4- تصوير مقطع Picture Shot
5- انشاء المقطع النهائي للفيلم

واحم اسمحولي لو الدرس متروس معلومات اتصور من أول قراءه ماراح تستوعبون بس خذوا راحتكم اقرووه حبه حبه وراح

تكتشفون انه اللي شرحته ولا شي ...

.
.
.

ملاحظة: راح اعتمد على الاصدار 2.1 واللي عادة يكون مع الويندوز xp وأتصور اللي يجي مع الفيستا

مرات يكون 2.1 ومرات 2.6 لكن حسب توقعاتي (بعد ماشفت الصور في قوقل) لقيت انهم تقريبا نفس الشي بس يمكن 2.6 فيه

تحسينات وامكانيات أكثر لكن الاساس هو نفسه.. وعموما اللي يواجهه مشكله لإصدار آخر ممكن يضع صورة للمشكله وبحاول قد ما

اقدر اساعده ...

نجي يالله جذي نفتح البرنامج، هاي هو شكل الأيكون للبرنامج

او اذا نبي نفتحه نروح على ابدأ > البرامج > وبنلاقيه هناك علطول

اول مانفتح البرنامج بيظهر لنا شاشة شكبرها مثل هاي

نجي الحين نتعرف على الاجزاء اللي اشوفها حسب نظري انها مهمه

واللي مب فاهم شغله من هالشكل يقولي وبشرح له ^_^ طبعا بعد مانقرا الموضوع لين آخر شي لانه بعض الشغلات أكيد راح

توضح أكثر لما نجربها او نطبقها

طبعا لما نفتح البرنامج راح يفتح لنا (مشروع) جديد ،ومن خلال هالمشروع نقدر نسوي فيه المقطع الفيديو النهائي

يعني مثلا مشروع جديد 1 ، بيكون فيه أكثر من مقطع فيديو وصوتي وصور .. وبالنهاية ينتج لنا مقطع واحد كامل ينعرض للكل

يعني المشروع فيه تفاصيل الشغل والترتيب والمقطع النهائي هو اللي ممكن ترسله لربعك..الخ

نروح الحين لأول وأهم خطوه وهو اضافة مقطع فيديو في المشروع علشان نتعامل وياه

عاليمين فيه

أو Import Video From file

بيظهر لنا هالشكل ،، نختار المقطع اللي نبغي نعدل عليه او نضيفه

بعد مانسوي اوكيه بنلاحظ انه انضاف في ساحة المقاطع كما بالشكل

بالنسبة للتحكم بمقاطع الفيديو عندنا 3 شغلات رئيسية لها وهي

(قطع الفيديو يعني قصه وراح اشرح لكم الحين)

طبعا المعاينة الكل يعرف وش فايدتها.. يعرض لنا الفيديو وش فيه

راح اشرح لكم الحين فكرة قص الفيديو.. مثلا لو عندي فيديو مدته 60 ثانيه، وابغي فقط أول 30 ثانية

والباقي ماا ابيه،، وش اسوي بهالحاله؟؟ برنامج موفي ميكر عنده هالوظيفة وذلك من خلال خاصية قص المقطع

طيب شلون ممكن نسويها ؟؟ بسييييطة جدا اول شي نروح لملف الفيديو اللي ضفناه، نسوي له معاينة ( نشغله ) ونوقف عن المكان

اللي نبي نقطع .. مثلا انا بحالتي وقفت عند الثانيه 30 مع العلم انه المقطع مدته كله دقيقه وثانيتين

بعد مانسوي ايقاف مؤقت Pause نروح على زر القطع كما بالشكل (ثاني سطربالكلام اللي انا كاتبه // أو زر الدائرة على اليسار)

ونسوي كلك عليه.. ايش بيصير ؟

اذن المقطع الاول تمام .. اول 30 ثانيه صار بروحه

والباقي اللي هو (دقيقه وثانيتين) - (30 ثانية) = 32 ثانية كما بالشكل

بكذا احنا قطعنا الفيديو لقسمين.. وراح نلاحظ في ساحة المقاطع انه كان فيه مقطع واحد الحين صار عندنا مقطعين

نقدر نحذف واحد منهم عن طريق الضغط عليه مره وحده وبعدين بالكيبورد نسوي Delete أو نقطع أي مقطع مره ثانيه بنفس

الطريقة ^_^

الحين نجي لتصوير الفيديو ، التصوير اقصد انه مثلا فيه لقطة معينة بالفيديو نبيها كعنوان مثلا صورة شخص او صورة اعلان او

شي جي.. المثال التالي يوضح الفكره ،، شوفوا بالصورة رقم 1 و 2 و 3 ..

الحين بعد ماننتهي من اعداد المقاطع لازم نرتبهم مع بعض .. مثلا (مثال خارجي) لو عندنا مقطعين مقطع لرحلة لمكة والثانية

للمدينة ، نبي نحطهم

بالترتيب بالشكل النهائي رحله للمدينة ولمكه ، نحط أول شي مقطع المدينة وعقب نحط مقطع مكة ..

راح نتعلم الحين شلون ممكن نسوي الشكل النهائي للمقطع والترتيب.. انزين..

بكل بساطه نلاحظ تحت فيه مربعات، هالمربعات معناها متسلسلات ، يعني لما تشغل الملف النهائي يبدأ من أول مربع وبعدين يقرا

ثاني مربع ..ألخ.. يعني علشان توضح الامور .. نروح أول مقطع نسحبه على أول مربع ، وثاني مثلا صوره ونحطها في ثاني

مربع ..

وبهالطريقة لما نشغل الملف النهائي (بعد شوي بقولكم شلون تسوون المقطع النهائي ) راح يبدأ المقطع النهائي يشغل المقطع الاول

وبعد مايخلص علطول يشتغل المقطع الثاني ..الخ

بعد مانخلص ونسحب المقاطع ، نروح على

نتبع الخطوات كما بالصور

وسيبدأ البرنامج بحفظ الملف كما بالشكل

وراح يفتح الميديا بلاير وبيظهر لك الفيديو اللي سويته انت :)

.
.
.

ان شاء الله الدرس كان مفهوم ولو فيه أي شغله صعبه خبروني بوضحها لكم (^_^) ..

خلصنا وياكم درس اليوم

منقول من منتديات قطر فوتبول

بارك الله فيك وجزاك ألف خير

درس شامل عن استخدام البرنامج 813983

thank you

إلى الإمااااااااااااااااااااااااااااااااااااااام

درس شامل عن استخدام البرنامج 122324

بــــــــــاركـ الله فيــــــكـ

0003

» درس E: كيفية استخدام البرنامج
» درس E: نبذه عن استخدام البرنامج
» عدم استجابة البرنامج عند استخدام مؤثرات الانتقال
» الدرس الثامن استخدام الأصوات في البرنامج
» ممكن حل لمشكله فصل النت عند استخدام البرنامج