استفسارات عن كاميرا كانون 500d

بسم الله الرحمن الرحيم


كما أن تعودت دائما أن ألجأ إلى المنتدى في اهم الأختيارات الدقيقة والمفيدة من حيث أراء المحترفين

انا اليوم بسألكم كم سعر كاميرا كانون 500 d في امريكا وكم تقريبا سعرها بالسعودي

وكيف اجيبها من برا يعني اشتريها من امريكا مثلا ايش افضل المواقع اللي اشتري منها

لأني سمعت انوا الأجهزة من برا مرة رخيصة مقارنة بالسعودية

لأن هذي الكاميرا تجي ب4000 وزود

اتمنى منكم الأفادة كما عودوتني


والسلام عليكم

مرحبــا ..
اولا بخصوص D500 من كانون هذي سعرها الان هنا في السعودية تقريبا 2750 ريال يعني سعرها جدا معقول
وانا اعرف محل في الرياض متخصص في الكاميرات وممكن يوصلون الكاميرا لك لو انتي خارج الرياض

طبعا الكاميرا هذي صدر بعدها D550 وسعرها تقريبا 3450 ريال وهذي احدث ومزاياها اعلى من حيث البكسلز والاسبيد
وبخصوص الفرق في السعر ترى لو حسبتي السعر مع تكلفة الشحن والوقت اللي بتاخذه البضاعة الين توصل السعودية يعتبر الفرق بسيط فالافضل لك تاخينها من هنا

اتمنى اكون افدتك وبالتوفيق ان شاء الله

السلام عليكم ورحمة الله وبركاته
حبيبنا صالح ما قصر وعطاك المعلومات
لكن ازيد شوي
أنا توي مشتري كام canon 550D
والصراحة الكاميرا لا يعلى عليها
ويقارنونها بالكاميرا الصاعقة 7D شفت مقارنات كثيره
وطلع مافيه فرق كثير من ناحية الفيديو
فقط الفرق بالتقاط الصور السريع
الـ7D أسرع من الـ 550D
وقيمتها ممتازة جداً
اشتريتها مع عدسة canon 18-55 وشنطة صغيرة وذاكرة 8 قيقا كلاس 6
بـ 3600
مع الشحن وكل شيء

اشتريتها من محل بالرياض

الكاميرة لا يعلى عليها وانا استشرت كثيير قبل اشتريها
والحمدلله وفقني ربي فيها
وللحين ما شفت فيها أي مشاكل
ماشاء الله تبارك الله : )

يعطيكم العافية على الأفادة

وإن شاء الله بشتريها من الرياض بطلبها يعني

بشتري 550 كانون


تحياتي