تفنن باستخدام الجليتير

خطوات التنفيذ
نرد للبنت مرة ثانية ،، ان شاء الله بس ما طولنا عليها ،، نبغي انجهز فستانها بسرعه عشان هي مستعيله بتسير عرس ربيعتها



باستخدام اداة التحديد Magic Wand Tool الموجوده في قائمة الادوات على يسار الشاشة ،، نحدد المناطق اللي نبغي نعبئها بالجليتر ،،

ولتسهيل هاي العملية ،، لازم انغير شوي في خصائص الاداة:

لاحظوا معاي ،، بمجرد ما نطغط عليها بيظهر لنا فوق شريط الخصائص الخاصة بالاداة ،،


شفتوا الاماكن اللي عليها دواير حمر ،، ابتدوا من اليسار ،، بنختار منها الصورة الثانية من اليسار ،، يعني المربعين اللي داخلين في بعض ،، لاننا بنحتاج لتكرار عملية التحديد لاكثر من مرة لين ما ناخذ كل المساحة اللونية اللي حابين انغيرها للجليتر ،،

اما الدايرة الحمرة الثانية ،، فهي على كلمة Tolerance وحذالها رقم ،، ها الرقم يحدد لنا الدرجات اللونية اللي بتحددها الاداة ،، يعني انا هني اخترت رقم 20 ،، معناته ان الاداة بتاخذ كل 20 % من اللون الازرق مع كل ضربه ،، وممكن انكم تزيدون و تنقصون في الرقم على حسب الحاجة ،،

مثلاً لو اخترتو الرقم 20 ولاحظتوا ان التحديد سار على اماكن انتوا ما تبون اتغيرون لونها ،، اضغطوا على زر التراجع Edit >> Undo وقللوا من النسبة في الشريط ،، مثلاً خذوا 10% وتابعوا شغلكم ،، ــ هذا للتوضيح ــ

الحين روحوا لفستان البنية وحددوا المناطق اللي تبونها حسب الشرح السابق ،،

لاحظوا تطبيقي اثناء التحديد:


وبعد الانتهاء من التحديد:


عقب ما انتهينا من هاي الخطوة ،، نروح لـ قائمة Edit مرة ثانية ،، بس ها المرة بنختار Fill

يعني ،، Edit >> Fill


بيظهر لنا بوكس عشان نختار الجليتر ،، طبعاً اظغطوا على المربع الصغير اللي في البوكس وبتظهرلكم قائمة الباترن،، ومنها نختار الجليتر اللي عرفناه للبرنامج أثناء تجهيز الأدوات ،، غالبا بتحصلونها في نهاية القائمة ،،

اختاروا الجليتر الاول من اليسار:


شوفوا التغيير اللي حصل على الفستان:


مثل ما لاحظتوا في الصورة السابقة ،، ان التحديد ــ الخط المنقط ــ مازال في مكانه ،، لا تشلونه الحين بنحتاجة ،،

الحين روحوا لبوكس الليرات ،،

نقرة على اليمين على اللير الموجود بتظهر قائمة صغيرة اختاروا Duplicate Layer



نكرر نفس العمليه السابقه مع اللير اليديد ،،
يعني نروح لـ Edit >> Fill

بس ها المرة نختار الجليتر الثاني ،،
شوفوا الصورة


ومرة ثانية ،، والتحديد بعده موجود ،، نقرة على اليمين على اللير اليديد اللي ظهرناه قبل شوي و Duplicate Layer

ونروح لـ Edit >> Fill

ونختار الجليتر الثالث


خلصنا من الفوتوشوب ــ نروح للإمج ردي


ومثل ما اقول دايما:

طرق الانتقال للامج ردي هي:
الطريقة الاولى: File > Jump To > Adobe ImageReady
الطريقة الثانية: Shft + Ctrl + M
الطريقة الثالثة: هو الانتقال للامج ردي عن طريق الضغط على الرمز الموجود اسفل قائمة الادوات مثل ما هو موضح في الصورة


الحين وفي الامج ردي ،، بتلاحظون شريط موجود تحت ــ شريط الانيميشن ــ فيه الصورة اللي نشتغل عليها ،، هاي الصورة هي عبارة عن لير واحد ،، واحنا هناك اشتغلنا على ثلاث ليرات ،، لازم انظهر باقي الليرات ،

بس قبل ما ندخل في تفاصيل هذه الخطوة ،، اللي مو ظاهرعنده شريط الأنيميشن Animation يروح على Window ويتأكد من وضع إشارة صح على كلمة Animation مثل ما هو موضح في الصورة

الحين نكمل:

على يمين الشريط فوق بتلاحظون شي سهم صغير اضغطوا عليه بتظهر لكم قائمة طويلة اختاروا منها Make Frames From Layers



لاحظوا ان كل الليرات او الطبقات اللي اشتغلنا عليها ظهرت


اذا حابين تشوفون لمعة الجليتر قبل ما تخزنون الصورة ،، اضغطوا على رمز التشغيل الموجود اسفل شريط الانيميشن ،،

الحين ،، وصلنا لفقرة تخزين الصورة ،،

واحنا في الامج ردي ،، نروح لقائمة File ونختار Save Optimized As



نخزن الملف عادي

درس رائع والجلتر كل تطبيقاته حلوة
مشكور

والشكر لك ايضا يا اختي العزيزة

ماشاء الله عليك عندك ابداع

الشكر لك يا اخي الكريم

يعطيك العافية

مرررة حلوة

اشكرك اختي وارجو تطبيق الدرس واتمنى لك الموفقية

يا هلا بك



يعطيك ألف عافية تسلم إيدك

تحياتي

من المفترض ان تكتب ان الموضوع منقوووووووووووووووول

الشكر لك اخي شمس

وهذا هو تصميمي

الظاهر اخ عمر انك تستهزئ

بسم الله الرحمن الرحيم

اعتذر عن التاخر في الاجابة وساطرح هذا الموضوع في كيفية عمل الجليتر مع اعتذاري مجددا

وأنا اخترت هذا الشكل


ويتكون من 3 شرائح وهي:
1. 2. 3.

نقرة على اليمين على الصورة المطلوبة (الجليتر المطلوب) و Save Picture As ،، نكرر العملية السابقة مع جميع شرائح الجليتر على حسب عددها ،، وفي المثال المشروح عندنا 3 شرائح

الحين نفتح برنامج الفوتوشوب ،، وافتحوا صور الجليتر اللي خزنتوها ،، صار عندنا في الشاشة 3 صور للجليتر ،، ــ بس لازم أنبه ان 99.5% من صور الجليترالموجودة في بصيغة GIF ،، وهاي الصيغة تكون محمية ــ يعني ما نروم نتحكم فيها ،، عشان جي لازم انغير خاصيتها ــ وهذا اللي بنسويه الحينه ــ

نحدد الصورة الاولى ،، بتلاحظون ان لون البراوز بيكون فاقع ،، نروح لـ
Image >> Mode بنلاحظ ان عند كلمة Indexed Color شي اشارة صح ،،


لازم نغيرة لـ RGB Color
يعني Image >> Mode >> RGB color
شوفوا الصورة:


وعقب نسير لـ Edit >> Define Pattern

مثل ما هو واضح في الصورة


بيظهر لكم بوكس عشان اتعرّفون الباترن ( اللي هو نفسة الجليتر ) وتختارون له اسم ،، ممكن تحطون أي اسم ،، وممكن تقبلون الاسم الموجود وتضغطون Ok

لاحظوا الصورة


انصحكم بان الصورة (الجليتر) اللي طبقنا عليها العملية السابقة تسكرونها على طول عشان ما تتخربطون ،، ونتبع نفس الخطوات مع باقي الجليتر ،،


ممكن سؤال يدور في خاطركم ،، العملية اللي سويناها ،، وين ودت الجليتر ،،
هذا هو السؤال اللي بتحصلون إجابته في الخطوة الثانية

الخطوة الثانية:

تعبئة النص بالجليتر:

1- كالمعتاد ،، File >> New مثل ما هو موضح في الصورة التوضيحية رقم 1 ،، بيظهر لنا بوكس عشان نختار حجم الصفحة ،، ونوعها ،، هني انا اخترت 400 Pixels للعرض و 200 Pixels للطول ،، والـ Contents خلوها Transparent مثل ما هو موضح في الصورة رقم 2 واضغطوا Ok يظهر لكم صفحة العمل مثل ما هو موضح في الصورة رقم 3 ،،

لاحظوا معاي


- باستخدام أداة الكتابة نكتب النص المطلوب ،، وهني انا كتبت jewels احم احم



وقبل ما نتكلم عن هاي الخطوة ،، اللي مو ظاهر عنده بوكس الليرات يظهره عن طريق Window ويتأكد من وضع إشارة صح على كلمة Layers

3- ننسخ اللير الموجود على عدد شرائح الجليتر،، وفي هذا الدرس عندنا 3 شرائح للجليتر ،،

وذلك عن طريق نقرة على اليمين (على اللير المطلوب نسخه) عقب Duplicate Layer مثل ما هو موضح في الصورة رقم 1

يعني في النهاية لازم يكون عندنا ثلاث ليرات مثل ما هو موضح في الصورة رقم 2:
لاحظوا الصور التوضيحية




الحين بنشتغل على اللير الاول:
نقرتين على اليسار على اللير الاول ،، (او نقرة على اليمين ونختار عقبها Blending Options) بس عندي ملاحظة مهمة ،، شلوا علامة العين من كل الليرات ،، وخلوها بس على اللير اللي تشتغلون عليه ،، طبقوا ها الشي في كل الخطوات الموجودة في هاي الفقرة ،،

لاحظوا الصورة:


الحين بيظهر لكم بوكس عود ،، على يساره فيه قائمة طويله حذالها مربعاد اختيار صغيرة ،، ــ طبعا ها البوكس عجييب ،، ويعطي تأثيرات حلوة على الأشكال والنصوص ،، لكن في ها الدرس بنستخدم ثلاث خصائص منها فقط ،،

وهي:

1. Drop Shadow 2.Pattern Overlay 3.Stroke

تابعو بقية الخطوات في الصفحة التالية ..

مثل ما قلنا ،، بنستخدم 3 خصائص من الـ Blending Options

وهي:

1. Drop Shadow 2.Pattern Overlay 3.Stroke

لاحظوا أماكنها في الصورة


الخاصية الأولى ،، اللي هي في بداية القائمة،، Drop Shadow ، نكتفي بان انحط علامة صح في البوكس الصغير ــ يعني مجر كلك في المربع الصغير
لا تضغطون على Ok ،، بعدنا ما خلصنا ،،

انتقلوا معاي للخاصية الثانية ،، موقعها من القائمة ،، قبل الاخير،، اللي هو Pattern Overlay ،، هني نحتاج لشوية شغل ،، خلكم معاي ،، لما تون تحددون هاي الخاصية لا تسيرون عند المربع الصغير اللي على اليسار مثل ما سوينا في الخاصية الأولى ،، خذوا مؤشر الماوس وروحوا على الكلمة نفسها (( Pattern Overlay )) وانقروا عليها ،،

لاحظوا الصورة


لما اتسوون هاي الحركة ،، بتلاحظون ان محتوى البوكس اتغير بالكامل ،، وأهم شي بيظهر لنا هو المربع الكبير اللي بالوسط ،، وغالباً يكون لونه رمادي على شكل دواير ،، نضغط على ها المربع ــ مثل ما هو موضح في الصورة الأولى تحت ــ وبيظهر لنا كل الباترنز المخزن عندنا ،، ومن ضمنه الجليتر اللي عَرّفناه للبرنامج في الخطوة السابقة ،، واذا ما حصلتوه جدامكم نزلوا السهم لتحت ،، لانه الباترن اليديد يتخزن آخر شي ــ لاحظوا الصورة الثانية تحت ــ

الصورة الأولى:


الصورة الثانية:


حصلتوه ؟

وايد زين ،، معناته انكم في السليم

الحين اضغطوا على الجليتر المطلوب ــ عندنا 3 جليترات من اللون البني ،، نختار واحد منهم ،، ويستحسن ناخذهم من اليمين أو من اليسار عشان ما انلخبط ،، وأنا هني أخذت أول واحد من اليسار ،، ولما تنقرون عليه بتلاحظون تغيرات على المربع الرمادي ،، ومربع عرض التأثيرات ،،

لاحظوا الصورة:


بعدنا ما خلصنا من ها البوكس ،، يعني لا تضغطون على Ok

وصلنا للخاصية الأخيرة .. إضافة حدود للشكل ،، موقعة من القائمة الأخير ،، واسمه Stroke ،، وبعد لازم ننقل مؤشر الماوس على كلمة Stroke وننقر عليه ،، مثل ما سوينا في الخاصية الثانية ،، بنلاحظ ان الشاشة تغيرت مرة ثانية ،، وظهر لنا مربع احمر صغير ،، ها المربع وظيفته تغيير لون الحدود اللي بتحطونها حول الشكل ،، يعني اذ الجليتر عندي بني ،، فلازم اختار لون يتماشى معاه ،، وهني انا اخترت لون البني الغامق ،،

لتوضيح أكثر ،، لاحظوا الصور:


ولما نضغط على المربع الأحمر بيظهر لنا بوكس الألوان ،، نختار اللون اللي يتماشى مع الجليتر ،،


خلصتوا من هاي الخطوة ؟؟

واخيراً ،، اضغطوا على Ok

هههههههههههههههه



شوفوا التغيير العجييب اللي صار على النص




هيه ،، اعرف ،، حلو وايد ،،

بس بعدنا ما خلصنا ،،
انتقلو للصفحة التالية ..

عودة لبوكس الليرات ،،

مثل ما قلنا في بداية هاي الخطوة ان احنا لازم نحط علامة العين بس (Only)على اللير اللي نشتغل عليه،، و نشيلها من الباقي ،، الحين احنا خلصنا شغلنا في اللير الأول ،، نشيل منه علامة العين ونحطه على اللير الثاني اللي بنشتغل عليه ،، ــ ملاحظة بسيطة بالنسبة للير الاول ،، طبعاً بتشوفون ان شي قائمة صغيرة باللون الابيض نزلت من تحته ،، هذي هي الخصائص اللي طبقناها في اللير ،، شلوا العين من اللير نفسه ــ يعني بس اللير الأول ،، أما الباقي فبينشلون اتوماتيكياً

لاحظوا الصور:


الكلمة اللي كتبتوها بترد مثل قبل ،، وهذا لان احنا شلينا اللير اللي اشتغلنا عليه ،، عشان نعيد تطبيق نفس الخطوات على اللير الثاني ،،

لاحظوا شكل الكلمة


الحين نعيد نفس الخطوات اللي سويناها في الخطوة الثانية ،، يعني مرة ثانية ــ نقرة على اليمين على اللير الثاني ونختار Blending Options ،، لازم نكون دقيقين في اعادة تطبيق الخطوات اللي سويناها في اللير الاول ،، عشان الشكل النهائي للنص اللي نشتغل عليه ما يتبهدل ،،

بعيد باختصار الخطوات:
1- Drop Shadow ،، اللي هي اضافة او اسقاط ظل للصورة ،، ونكتفي بنقرة على المربع الصغير ،،
2- Pattern Overlay ،، وهي تعبئة النص او الشكل بالجليتر ،،

بس في ملاحظة بسيطة ومهمة ،، لما ني نعبئ الجليتر نختار الجليتر اللي في الوسط ،، عشان في المرة الاولى اخترنا الجليتر اللي على اليسار ،، والحين بنختار اللي في النص ،، وعلى اللير الثالث بنختار الجليتر المتبقي واللي هو على اليمين ،، لاحظوا الصور



3- Stroke ،، إضافة حدود للشكل ،،

انطبق هاي الخطوات حرفياً باستثناء الملاحظة اللي نبهتكم عليها ،، وعقب نضغط Ok

هذا بالنسبة للير الثاني ،، ونشيل علامة العين من ها اللير وانحطه على اللير الثالث ،، وانطبق نفس الخطوات باستثناء الملاحظة السابقة عن اختيار الجليتر في تعبئى النص Pattern Overlay ،،


الخطوة الثالثة:

تحريك الجليتر

لما نحط الجليتر على كل الليرات الموجودة عندنا ــ واللي شرحناه بالتفصيل الممل في الخطوة السابقة ــ لازم ننتقل للامج ردي (Adobe ImageReady)عشان نحرك الجليتر ،، أو نعطي تأثير اللمعة على النص أو الشكل اللي نشتغل عليه ،،

بس قبل ما ننتقل ،، لازم نعيد علامة العين على كل الليرات الموجودة عندنا ،،

لاحظوا الصورة:


الحين بننتقل ،،

بس لحظة......؟؟!!!

ما تلاحظون أن الكلمة ضايعة في البراوز؟



شو رايكم انحددها أكثر ،،
باستخدام أداة القطع الموضحة في الصورة:


نحدد مجال النص ،، يعني خذوا مساحات بسيطة من حدود النص ،،

لاحظوا الصورة:


وبعدين نقرتين على الصورة بشكل سريع ،، أو نضغط على Enter من لوحة المفاتيح وشوفوا النتيجة:


هاي العملية انسويها مرة وحدة بس ،، والتعديل بيشمل كل الليرات اللي عندنا

الحين اقدر اقول ان احنا بننتقل للامج ردي واحنا مرتاحين ..

طرق الانتقال للامج ردي هي:
الطريقة الأولى: File > Jump To > Adobe ImageReady
الطريقة الثانية: Shft + Ctrl + M
الطريقة الثالثة: هو الانتقال للامج ردي عن طريق الرمز الموجود أسفل قائمة الأدوات مثل ما هو موضح في الصورة

وطبعاً ،، كل الطرق تؤدي إلى روما ،، يعني اختاروا الطريقة اللي تعجبكم ،،


ها ،، وصلتوا للامج ردي

بتظهر لكم الصورة اللي إحنا سويناها بالجليتر فوق ،، وتحت بيظهر لكم شريط موجود فيه صورة وحدة بشكل صغير ،، هذا الشريط هو شريط الحركة أو الـ Animation ،، واللي مو ظاهر عنده يظهره عن طريق Window ويتأكد من وضع اشارة صح على كلمة Animation لاحظوا الصورة


اللي لازم انسويه الحينه هو ــ انظهر الليرات الثلاثة اللي اشتغلنا عليها ــ يعني لازم يكون عندنا ثلاث صور في الشريط ،،
لاحظوا السهم الصغير اللي على يمين الشريط ،، اضغطوا عليه بيظهر لكم قائمة اختاروا منها:
Make Frames From Layers

شوفوا الصورة:



ولما تختارون Make Frames From Layers بيظهر لكم الليرات الثلاث في شريط الانيميشن ،، وفي نهاية كل براوز في الشريط بتشوفون مكتوب sec. 0 ،، هذا لتحديد وقت ثبات الصورة ،، بس في الجليتر ما انصحكم باستخدامة ،، لأن كل ما كانت حركة الصور اكبر ،، يكون تأثير اللمعة اقوى ،،

لاحظوا معاي:


ولو ضغطتوا على رمز الـ play الموجود أسفل شريط الانيميشن بتشوفون إنجازكم ،، الصورة وهي تتحرك

شوفوا الصورة:



خلصنا الشغل ،،

تعالوا انسيف او انخزن اللي سويناه ــ طبعاً انخزنه في الامج ردي ــ:

File > Save Optimized As




والنتيجة:


وهذا تطبيق ثاني للجليتر باستخدام الاشكال الـ Shape ،، وباتباع نفس الخطوات اللي في الدرس



أشكركم على حسن المتابعة ،،
وجزاكم الله خير


الموضوع منقول للفائدة

مشكور ..
درس رائع جداَ
وهذا تطبيقي

اشكرك اخي DONواتمنى التفاعل من الجميع ولكني لا ارى تطبيقات ولهذا جعلت الدجروس قليلة في هذا القسم مع اطيب تحياتي

اخوي ياليت تتعالمل مع الفديو بذات الدرس الاول

اشكرك اختي ولكن صدقيني لا يوجد لي الوقت ساحاول مستقيلا


مع اعتذاري