احتراف المونتاج مع ابو الجود

بسم الله الرحمن الرحيم

اصدقائي
اخوتي و اخواتي

حبيت اطرح عليكون خبرتي باحتراف المونتاج

اول الشي برامج المونتاج
طيب كتير منا بيعرفو السوني فيغاس
حلو
بس سوني فيغاس هو لتصميم الافلام و ليس لتصميم الايفكتس
انا شخصيا
ما بستخدم السوني فيغاس فقط
انا بستخدم السوني فيغاس و افتر افيكتس
ليش
افتر ايفكتس هو برنامج مخصوص لتصميم الايفكتس حصرا
و ما فيك تعمل فيلم عليه
طبعا انا عم احكي عن الافلام
مثلا
بمقطع الكونغ فو
انا صورت
بعدين سحبت اللقطة اللي فيها الانفجار
و عملت الانفجار على الافتر ايفكتس
لانه برنامج مخصوص للايفكتس
بعدين سحبت كل مقاطعي
و حطيتون على السوني فيغاس
عدلت الالوان
ضفت الصوت
و عملتلو تحميض او Render

ثانيا
انا بستخدم السوني فيغاس للصوت و تصميم الفيلم لانه سوني فيغاس يحتوي على ميزة محيط الصوت او Surround system

و محيط الصوت هي ازا عندك اكتر من مخرج صوت
فيني زبط الفيلم ليصير يخرج من المخارج الصوت المعينة
مثلا المسرح السنيمائي او home cinema يحتوي على 5 مكبرات صوت و مضخم واحد او Subwoofer
لذالك اسمو Surround system 5.1
و تصميم الافلام لانه ببساطة فيك تضيف المقاطع و تعدلون و تضيف نغمة الوان

ثالثا
السوني فيغاس فيو اختيارت تحميض اكتر او More Rendering options
و طبعا هاد الشي مهم لالي بحيث اني فيني اعمل الفيديو اللي بدي ياه
بالحجم اللي بدي ياه
بالدقة اللي بدي ياها
مثلا اعمل فيلم لموبايل
فيلم لحطو على اليوتيوب
فيلم لاعملو DVD

و بعرف
بعرف انو مو الكل بيعرف يشتغل على الافتر ايفيكتس
مو مشكلة يا حلوين
انا بعمل دروس للايفكتس اللي بدكون ياها
بس المطلوب منكن
تحملو الافتر ايفكتس
للي بدو يتابع دروسي
و فيديوهاتي موجودة على اليوتيوب
ازا حبيتو تشوفو الجودة

رابعا
طيب قبل التصوير
انت خطرت ببالك فكرة
حلو كتير
بس قبل ما تعمل اي شي
دائما حط بايدك ورقة و قلم
و اكتب اي شي بيخطر ببالك
و امشي وقف اللي كتبتو
حتى لو خبصت بالكتابة
مو مشكلة
المهم احفظ افكارك على ورقة
و امشي وفقهون
صدقني
كتير كتير مهم انك تكتب افكارك
و طبعا ازا عندكن اي استفسار
انا مبلط هون
جايب مخدتي و نايم بالمنتدى
فلا تستحي
ولا تخجل
قول على طول
و على قولة المتل
اللي استحوا ماتو

و تحياتي للكل
ابو الجود ^_^

ماهذا الكرم الي من يا أبو الجود
جعل الله في ميزان حسناتك في كل معلومه تعلمنا إياها

يوسف العليوي كتب:

ماهذا الكرم الي من يا أبو الجود
جعل الله في ميزان حسناتك في كل معلومه تعلمنا إياها

حبيب القلب
نحن خوادم للاوادم ^_^

تحياتي
ابو الجود

بارك الله فيك الله يديم الهمة عالية ان شاء الله
اذا بتقدر تعمل كمان دروس عن الأفتر بتكون كفيت ووفيت
بانتظارك في قسم الافتر ...

باذن الله اديت
حصور فيديو شامل عن الافتر ايفيكتس بعد نص ساعة
ان شاء الله الدرس بيكون موجود المسا ^_^


ابو الجود

لك تسلمي يا رب
حاليا خلصتو
درس ساعة
بيسلي
بس عم اعملو render و باقي ارقعو ^_^

ابو الجود