هذه هى الدنيا .. يرجى قراته

جائني العياده وقدم نفسه بانه والد البنت التي تعمل معنا في قطع حجز المواعيد وبواب العماره
اشتكي من بعض الاعراض ثم لا اعلم ما الذي اخذه ليحكي لي عن مشاكله مع اخيه وزوجته
اكثر من ربع ساعه وهو يحكي تفاصيل لاتهمني ابدا وانا لا اذيد الا بقولي .لالامينفعش..ازاي كدا..معقول..اها ...وكنت في غايه الضيق واتمني انصرافه ولكنه استغرق كثيرا ثم انصرف
كان ذلك اول تعارف لي مع عم روبي ..لقاء لم يبتسم فيه ولو لمره
.......
بعد ذلك كنت امر عليه يوميا القي السلام ويرده بصوت خفيض وبابسط الكلمات حتي اني كنت بدات الا احبه
كان يجلس دائما علي الارض او ينام علي فرشه بسيطه يفترشها
عيناه زائغتان
نحيل الجسم
في نهايه الاربعينات من عمره
لا يضحك ولايبتسم ابدا
.....
اول من امس ذهبت الي العياده فلم اجد ابنته وحينما خرجت وجدته وكان يجلس معه موظف معي في العمل ويسكن في نفس المكان ودار بيننا هذا الحوار
انا:السلام عليكم
عم روبي: مسلاومو(يرد السلام)
انا:اومال فين فاطمه ياعم روبي
عم روبي:مش عارف..ماتقعد معانا يادكتور بلا فاطمه بلا بتاع
انا:ماشي ياعم روبي
عم روبي:خد الشاي بتاعي
انا:هاخده ازاي وانت بتقولي الشاي بتاعي
عم روبي :خلاص ياعم نعملك كوبايه شاي واخدها انا وتاخد انت برده الشاي بتاعي ده
انا :لا ياعم معاك سيجاره
عم روبي :هو انت بتدخن يادكتور
انا :لا ابدا بس بسالك
عم روبي :مجبتش النهارده سجاير والله
انا:هو انت بتدخن
عم روبي :لا ابدا بس بجاوبك
انا:ههههههههههههههه
عم روبي:ههههههههههههه
الاستاذ احمد:هههههههههه
الشارع كله:هههههههههه
عم روبي :تصدق يادكتور انا كنت فاكرك شايف نفسك عليه
انا: ليه ياعم روبي هو انت مرايا؟ههههههههه
عم روبي:هههههههه حلوه
انا:وانا واللهكنت فاكرك مقفل
عم روبي:هقفل ليه ياعم هو انا فاتح محل هههههههه
انا :ههههههههههه
عم روبي:ههههههههه
الاستاذ احمد:ههههههههه
الشارع كله:هههههههههه
انا:انا بقي هستاذن سالام عليكم
عم روبي:مسلاومو(يرد السلام)
..............
وغادرت في حوالي الساعه 10 م
ولما ذهبت للمنزل وجدت الاستاذ احمد الذي كان يحضر معنا هذه الجلسه يتصل
انا:خير يا استاذ احمد
الاستاذ احمد:روبي تعبان شويه يا دكتور خالد وعاوزينك تيجي تكشف عليه
الاستاذ احمد:انت هنا في الهرم؟؟؟؟
انا :لا والله انا شم في الهرم وهتاخر لو جيت فودوه لدكتور
..............
في حوالي الساعه 12م
اتصال من الحاج محمد صاحب العماره
انا :خير يا حاج محمد
الحاج محمد:واحد عندنا في لعماره اتوفي يا دكتور وعاوزينك لو تكرمت تيجي تشوفه وتطلعله تصريح دفن عشان ميستناش للصبح
انا:ماشي ياحاج محمد وخلي الاستاذ احمد يجهز
..........
الساعه 1 صباحا
وصلت المكان وادخلوني الي غرفه المتوفي لاتاكد من الوفاه
فارفع الغطاء عن وجه المتوفي لأصعق مما رايت
انه عم روبي
يانهار اسود
انتوا بتهزروا؟؟؟؟؟؟؟؟؟؟؟؟

واخذوا يهداون من روعي ويستغربون رده فعلي
جلست للحظات استجمع موقف ثلاث ساعات
صخب ضحكه منذ قليل وسكون بسمه الان
جهار صوته منذقليل وجلال صمته الان
خفه لقائنا منذ قليل وفخامه لقائنا الان
..
ما اصعب هذه المقارنه وما اصعب ان اكون فيها
....
غسلنا عم روبي وكفن وصلينا عليه بعد الفجر
(يقف معنا في صلاه العشاء ويرقد امامنا في صلاه الفجر)
....
هذه هى الدنيا