بسم الله ما شاء الله عمل ممتاز أخوى
بس هناك بعض الملاحظات البسيطة التى أراها من وجهة نظرى الشخصية
أولا صورة النار فى البداية خالص إيه علاقتها بالمقطع (النار التى تملاء الشاشة فى المقدمة)
ثانيا الكرسى أمام الدفاية هل هو جالس عليه أم أمامه والرجول الأمامية للكرسى هل هى فى مكانها ولا تم نقلها للأمام لتناسب وضع الشخصية
ثالثا أثناء حركة النوم فى الصحراء عند تغير وضعه للنوم على جنبه ذراعه الشمال غطس فى الرمل بشكل غير واقعى
رابعا عدد 2 غنمة فى مشهد صحراء جرداء والأدهش إنها بتاكل طاب بتاكل إيه ؟
وبعدين عدد 2 لا يدل على إن الراجل ده راعى اللى عنده 2 غنم ما يخرج بيهم
ويلف الصحراء عشان خاطرهم لابد تكون مجموعة ويخرج بيها فى مكان يستحق يتواجد بيه العشب
كما أنا طبيعة الغنم الخوف من الأغراب مش هتقف الشاه القريبة دى
عمرها بالقرب ده فى الحقيقة مع وجود الشاب الغريب
خامسا ظهور الأهرامات فجأة إيه الهدف منها والتسلس فى السرد هو هو بمعنى نفس زاوية وقوفهم هى هى
وفجأة ظهرت الأهرامات معناها إن ده تم فى يوم تانى أو فى مكان تانى والسرد للقصة مش بيقول كده
سادسا البراشوت والأرض الخضراء أو العشبية وأثناء نفس السرد أيضا ظهر مشهدهم
سابعا الصحراء صافية جدا والأرض الخضاء هى التى تظهر فيها دوامة غبار وفى مكان واحد بس وباقى المشهد صافى
ثامنا بدل مشهد الرقص الأخير ده كان يبقى ممتاز جدا لو نرى مشاهد متعددة لنشاطاته زى ما بدأت فى الأول بالتمارين
كان ممكن يقعد على مكتب ويقرا كتب أو يرسم صورة أو مشهد له وهو شايل كتبه وداخل الجامعة
أو أى شئ من هذا القبيل مجموعة مشاهد متعددة تدل على تغير حياته للأفضل وتكون سريعة بحيث تناسب إيقاع الأغنية
وأخيرا أرجوا أن تتقبل وجهة نظرى بصدر رحب فأنا ما شاركت فى موضوعك لكى أملأ أذنك بإطراءات خداعة
ولكنى أتمنى لك الخير وأن تصل بأعمالك إلى مستوى إحترافى كما نرى فى الأعمال الأجنبية فهم ليسوا أفضل منا فى إتقان العمل
بالتوفيق ونتمنى لك التقدم والإزدهار دائما
2/8/2014, 9:32 am
